NOVENA HO NGOANA JESU

  Ho tloha ka la 16 - 24 Tšitsoe ha re ea moketeng oa Tsoalo Ea Morena.

 Oho Ngoana Jesu, uena ea etsang mehlolo! Ha e le mona ke khumame kapele ho setšoantšo sena se halalelang sa hau, kea u rapela ak’u ntalime ka mosa le ka mohau, mesarelong le matlokotsing ana a ka a masisa-pelo. Ak’u mp’u etse hore Pelo ea hau, e boikokobetso ‘me e mosa, e nkhauhele, e nkutloele bohloko, e nolofalle ‘me e rekolohele lithapelo tsa ka, ka ho mpha grasia eo ke e kopang ka ‘nete le ka pelo e telele. (Bolela kopo ea hau).

Ak’u bebofatse mahloko a ka, ‘matlafatse ‘me u ntsose molota ka ho bobisa sekhahla sa meleko e ntšeohetseng ‘me u ntšelise ka lithuso tsa hau, har’a mathata le bomalimabe bona boo ke leng har’a bona.

 Ka bongoana bo Adorehang ba hau, kea u rapela oho Morena, ak’u sekehele lithapelo tsa ka tsebe, u ntšitse ka lineo le ka matšeliso a sebele, le ka lihlohonolofatso tsa leholimo, ka tsona ke tle ke u rorise ‘me ke hlonephe uena ‘moho le Ntate le Moea o Halalelang kamehla le mehla.

Amen.

  ____________________________________

 NOVENA E MATLA HO NGOANA JESU OA PARAQUE

OHO NGOANA JESU OA PARAQUE OENA EANENG A RE: “KOPANG LE TLA FUOA LE TLA FUOA, BATLANG ’ME LE TLA FUMANA,KOKOTANG ’ME LE TLA BULELOA. ”KA MARIA EA HALALELANG HAHOLO, KEA BATLA KEA KOKOTA ’ME KE KOPA HORE THAPELO EAKA E ARABELOE, U MPHE SENA SEO KE U KOPANG SONA.

 ++++++++++++

NOVENA EA MOHAU OA JESU

 JESU A BOELA A KOPA HORE MOKETE OA MOHAU OA MOLIMO OETELLOE PELE KA NOVENA HO MOHAU ONA, ’ME E QALOE KA LABOHLANO LE HALALELANG.  A MOFA MORERO OA HO RAPELLOA TSATSI  KA LENG.  LETSATSI LA HO QETELA, A LE RERELA RAPELLA BA TEPELETSENG, LE BA SAA TSOTELLENG MOHAU  LE LERATO LA HAE.  MAEA ENA E NTLORISA HOFETA E MENG EOHLE,” A RIALO, “TSEPO EA HO  QETELA PHOLOHONG EA BONA, KE HO BALEELA MOHAU OA KA.”

TSATSI LA PELE:  KAJENO O TLA NTLISETSA BATHO BOHLE , ’ME O BA QOELISE BOLIBENG BA MOHAU OA KA.

TSATSI LA BOBELI:  KAJENO O NTLISETSE MEA EA BAPRISTA LE BAITLAMI… BA ILE BA MPHA MATLA A HO MAMELLA MAHLOKO A KA.  KA BONA MOHAU OA KA O TŠOLOHELA HO BATHO.

TSATSI LA BORARO:  O NTLISETSE MEEA EOHLE E TSEPAHALANG.  E ILENG EA NKHOTHATSA TSELENG EA SEFAPANO.  E ILENG EA EBA LEROTHOLI LA MATSELISO  LEOATLENG LA MATŠOENYEHO.

TSATSI LA BONE:  ”KAJENO U NTLISETSA BA SA LUMELENG, LE BA SA E SO NTSEBE.KE ILE KA BA NAHANA HA KE  LE LITLORISONG.  TŠOKOLO LE MAFOLO-FOLO A BONA KA  NAKO E TLANG  TSA KHOTHATSA PELO EA KA.

TSATSI LA BOHLANO:  U NTLISETSE BA-KRISTE  BA QHALAKANENG.MATLOKOTSING A KA BA NENG BA NRANTHANYA ’MELE OA KA, ELENG KEREKE. HABA ETSE POELANO LE KEREKE MAQEBA AKA ATLA FOLA.

TSATSI LA BOTŠELELA:  KAJENO U NTLISETSE BA BONOLO BA IKOKOBELITSENG,LE MEEA EA BANA.BA ILE BA MATLAFATSA MESARELONG EAKA. “EA I KOKOBETSANG KE EENA FELA EA KA AMOHELANG LIGRASIA TSA KA.”        

TSATSI LA BOSUPA:  U NTLISETSE MEA E TLOTLISANG MOHAU OA KA.KE LITŠOANTŠO TSE PHELANG TSA PELO EA KA.  HA HOLE EA MONG OA BONA EA KA OELANG MOLLONG OA LIHELE.

TSATSI LA BOROBELI:  KAJENO O NTLISETSE MEEA E PELGATORING.E EA RATOA HAHOLO KE ’NA.  HO MATLENG A HAO HO BA TLISETSA TOPOLLO KA LITESELO-TEFELO TSAKEREKE.”

TSATSI LA BOROBONG:  KAJENO U NTLISETSE MEEA E TEPELESENG.BAKENG LA BONA,SETŠABELO SA PHOLOHO KE HO BALEHELA MOHAUNG OAKA.  ”MARIA MA-MOLIMO O TSOLLELE  MALAKABE A LERATO LIPELONG TSA BOHLE; JOALE LE KA NAKO EA HO SHOA HA RONA. 

AMEN.

 ***********************************************

ROSARI EA MOHAU

QALONG:

THAPELO EA MORENA

TUMELO EA BAAPOSTOLA

LITLHAKU TSE KHOLO:

NTATE OA BOSA FELENG KE U NEHELA ’MELE LE MALI, MOEA LE BO-MOLIMO BA MOR’A OA HAO EA RATUOA HA HOLO;MORENA (LE MOPHOLOSI) OA RONA JESU KRISTE, E LE PUSELLETSO BAKENG LA LIBE TSA RONA LE TSA LEFATŠE LOHLE.

LITLHAKUNG TSE NYENYANE: KA MAHLOMOLA SISIMOSANG HAHOLO A JESU,

U RE HAUHELE HAMMOHO LE BA LE FATŠE LOHLE. (HA LESHOME).

QALEHONG EA LIKOTO TSE HLANO; MOLIMO EA HALALELANG, EA HALALENG EA MATLA ’OHLE, EA HALALELANG EA SA SHOENG, U RE HAUHELE HAMMOHO BALEFATSE LOHLE.  (HA RARO)

(LUMELLETSOE KE CARD. CAROL) “E BANG MOHAU JOALOKAHA NTAT’A LONA A LE MOHAU,” KA LIKETSO, KA LIPOLELO, KA MEHOPOLO LE KA LITHAPELO TSA LONA. HO LEHLOHONOLO BA MOHAU HOBANE BA TLA HAUHELOA”  (MATH 5:7)

NOVENA HO MARIA MOTHUSI OA BAKRISTE

Moetapele:  Ka lebitso la Ntate,

THAPELO EA NOVENA HO JUDA EA HALALELANG

OHO JUDA EA LEHLOHONOLO, UTLOA THAPELO TSA KA KE KOPA THUSO EA HAO KA MEKHOA E MENGATA HAHOLO….. HAU SALE LEFATŠENG USITSITSE BATHO BA BA KOPILENG THUSO TSA HAO.  NTHONG TSE NGATA U BA FUMANENTSE LITHUSO, LE HO RAROLLA MATHATA A BONA.  UENA, KA HO TSEBA MATHATA ANA, UKA NKUITLISISA HANTLE.  OHO, NTHUSE MATLOKOTSING ANA A KA.  NKOPELE SEBETE LE TUMELO, KE AMOHELE THATO EA MOLIMO LE HO ETSA SEO A SE LEBELETSENG HO ‘NA.

 JUDA EA HALALELANG O NTHAPELLE

2

OHO JUDA EA LEHLOHONOLO, KE TLILE MONA HO U RAPELA BOPHELO BO KHAHLISANG JESU KRISTE, EA RE BEHETSENG MEHLALA HA A LE LEFATSENG.  HLOEKISA PELO EAKA LE MEELELO EA EONA, KE TLE KE THABISE MOLIMO.  KA HONA ATLE A MAMELE THAPELO TSA KA LE LIKOPO TSE ETSETSOANG HO HLONEPHA UENA, HORE U MPUOELELLE.

 JUDA EA HALALELANG O NTHAPELLE

3

OHO JUDA, MOAPOSTOLA OA JESU KRISTE, U LE OA ANETSA LENTSOE LA MOLIMO KA KUITLOISISO EA EVANGELI KA BOTSEPEHI LE CHESEHO; NKINOLE BOHLOEKING BAKA, KEA URAPELA… KEA TSEBA MORENA OA RONA O TLA UTLOA THAPELO TSA HAO HA U MPUOELELLA.  HA THAPELO TSA LI SA A MOHELOE, NTHUSE HO ETSA THATO EA MOLIMO.  NKOPELE KHOLO E TIILENG EA HORE MOLIMO HA KHESE THAPELO E ETSOENG KA ‘NETE LE KA THAPELO E ROBEHILENG.

 JUDA EA HALALELANG O NTHAPELLE

4

OHO JUDA EA HALALELANG KEA U RAPELA HLE, MAMELA THAPELO TSEO KE TLILENG KA TSONA HO U BABATSA.  LEFATSE KA BOMALIMABE BA LONA LEA NTUBA KA LIKHATHATSO TSA LONA,HA NGATA LE NKHELOSA TSELA EA MOLIMO KA KA MELEKO EA LONA.  KEA U LLELELA BUELELLA KOPO TSA KA HAHOLO HOLO… LE KHOTLENG LA LEHOLIMO.  KEA TSEBA U TL O MAMELA HAU MPUELLA.  KE NA LETSEPO E TIILENG HORE O TLA ARABA THAPELO TSA KA.  KE BILE KEA TIEA O TLA O TLA NKETSETSA HO MOLEMO HO FETA.  KE KOPA HAPE GRASIA EA EA HO LEMOHA MERERO EA HAE  NTHO TSOHLE TSEO A LI ETSANG HO NNA.

 JUDA EA HALALELANG O NTHAPELLE

5

OHO JESU EA HALALELANG MOLEKANE OA JESU KRISTENTHUTE SEO A SE BATLANG HO ‘NA, HA KE NTSE KE PHELA, ‘NA MOLATELI OA HAE.  KE U KOPA KA BOIKOKOBETSO HO SEKEHELA THAPELO TSA KA TSEBE, LIKOPO TSA KA, EMPA HAHOLO- HOLO KOPO ENA:….. MPHUMANELE EONA.  NTŠITSE KA GRASIA EA BOHLOKOA E NKHOPOTSANG LITŠITSO TSE SE NANG PALO TSEO MOLIMO A SENG A ILE A MPHA TSONA, KA NTLE HO EO KE KOPANG.  KE HLOKA TŠITSO EO ENA EMPA LESA TSOHLE MATSOHONG A MOLIMO.  KE TSEBA HORE O TLA NKETSETSA TSOHLE TSE MOLEMO HO FETA BOEMONG BONA BOO KE LENG HO BONA HONA JOALE.

 JUDA EA HALALELANG O NTHAPELLE

 **************************

 NOVENA HO NTATE GERATA EA LEHLOHONOLO

OHO MOLIMO EA MATLA ’OHLE OENA EA ILENG A KHETHA MOHLANKA OA HAO JOSEFA GERARD, ’ME KA GRASIA EA  MOEA OA HAO O HALALELANG UA BA UA KHABISA  MOEA OA HAE  KA NEHO EA BORAPELI,BOIKOKOBETSO, BOITELO LE CHESEHO EA ANETSA EVANGELI HAR’A BAHEDENE, AKU RE NEHE,REA U RAPELA, HO ETSISA MAKHABANE A HAE, LE  HO  FUMANA BAKENG LA TLOTLISO EA HAE GRASIA E ITSENG EO RE U KOPANG  EONA  KA MORENA OA RONA  JESU KRISTE. A HOBE JOALO.

  ++++++++++++++++++++++++++++++++++++++

^{NOVENA HO DON BOSCO}

Molimo ea lerato ea teng kamehla maphelong a rona

“Ka baka leo, ke re ho lona: Le se ke la itŝoenya ka bophelo ba lona, hore na le tla ja’ng, kapa le tla noa’ng; leha e le ka ‘mele ea lona, hore na le tla apara’ng! Ana bophelo ha bo fete lijo, le ‘mele ha o fete liaparo ka bohlokoa na? Talimang linonyana tse fofang: ha li jale, ha li kotule, ha li bokelle lisiung, empa Ntat’a lona ea Maholimong oa li fepa; ana lona ha le li fete hole ka bohlokoa na? Ke mang ho lona eo ka ho itŝoenya a ka tsebang ho lelefatsa bophelo ba hae, leha e le ka motsotsoana feela?

“Hape le itŝoenyetsa’ng le ka liaparo? Ithuteng ka likhahla hore na li hola joang: Ha li sebetse ka thata, ha li ohle, empa kea le bolella, esita le Solomone tlotleng eohle ea hae ha a ka a apara joaloka e ‘ngoe ea tsona. Ha e le moo Molimo a apesa joalo joang ba naha, bo leng teng kajeno, ‘me kamoso bo lahleloe seboping, na lona ba tumelo e fokolang, a ke ke a le apesa ho feta? Ha ho le joalo, le se ke la itŝoenya, la re: Re tla ja’ng? Re tla noa’ng? Re tla apera’ng? Tsena tsohle li laba-labeloa ke bahedene; athe Ntat’a lona ea Maholimong o tseba hore le li hloka tsohle. Joale batlang ‘Muso oa Molimo le ho loka ha hae pele, ‘me tsena tsohle le tla li ekeletsoa.

kholiso ea Mama Margaret baneng ba hae

Motsoali oa John Bosco, ‘M’e Theresia Bosco, Mama Margaret, kamoo a reneketsoang, e ne ka re, ka phirima, ha leholimo le hlakile le le letalana, linaleli li itse toala! e be o re, ho bana ba hae: “Molimo o bopile lefatŝe, a beha linaleli ho le khantŝetsa!” Nakong ea Hoetla, ha lefatŝe le khabile ka lipalesa, o na ka re: “Li ngata hakaakang tse ntle, tse hlollang, tseo Molimo a re etselitseng tsona!” Mariha, ha ho kotuloa, bana ba tla utloa a se a re: “A re leboheng Morena Molimo, ka mosa oa hae ho rona; o re fa bohobe ba letsatsi le letsatsi! Esita leha pula ho na ea likhomo le batho, ebile e tsamaisa sefako se ripitla lijalo, o na ka re, ho bona: “Morena o ne a fane! Morena kajeno o nkile!”

Lipolelo tsena tsa melisa, pelong le kelellong ea mor’a hae John, kutloisiso ea boteng ba motho e mong e moholo, ea sa bonoeng empa ea teng kahohle: Leholimong, hohle har’a naha, lifahlehong tsa bafumanehi le letsoalong la hae a re ho eena: “Mona u entse hantle; mona o sebelitse hampe!” A makalla motho enoa eo motsoali oa hae a behileng tŝepo eohle ea hae ho eena; motho eo e leng ntat’a le mofani oa tsohle tse molemo, joaloka bohobe ba letsatsi ka leng; motho eo ka mohlomong a lumellang litho tse makatsang ho etsahala: mafu a baratuoa, sefako se ripitlang lijalo, e be moo motsoali a reng: “Ke eena ea tsebang seo re se hlokang, se molemo ho rona, re se belaele ka letho!”

Ho tloha bonyenyaneng, John Bosco a ba le setŝoantŝo maikutlong, seo ka sona a lemohang boteng ba Molimo kahar’a tlholeho eohle esita le kahar’a lietsahala tsa letsatsi le letsatsi, bophelong. A lemoha ke hona hore ke eena Molimo eo motsoali oa hae a mo rutang ka eena ka lipolelo le ka liketso tsa hae. Ka hona “John Bosco a ba le temoho ea hore h’a hloke hakaalo ho khumama, hore ebe o rapela Molimo; hoa ha ke fela ho talima tlholeho, ebe o bua le Molimo!”

Thapelo ea Morena...

John Bosco ea halalelang, u re rapelle!

=========